Sluk wurms en word maer?
2010-02-09 12:52
Hong Kong – Dieëtkundiges in Hong Kong is Dinsdag deur regeringsdokters gewaarsku teen die nuwe gier om parasiet wurms in te sluk, as ‘n manier om gewig te verloor.
Die stad se gesondheidsdepartement was geskok om webwerwe te sien wat dié produkte adverteer.
Daar word beweer dat die produkte gebruik maak van groterige rondewurms wat tot sowat 40cm in lengte kan groei, en 200 000 eiers ‘n dag kan lê.
‘n Woordvoerder van die departement het gewaarsku dat indien mense die parasiete insluk, dit pyn en ongemak in die buik kan veroorsaak, asook 'n hele paar ander newe-effekte.
“Dit kan ook tot ‘n persoon se dood lei, omdat die wurms organe soos die longe kan binnegaan, maar kan egter met medikasie behandel word, en die wurms kan verwyder word.”
Hy het mense aangemoedig om eers hul dokters te konsulteer voordat hulle op ‘n dieët gaan.
In Hong Kong, ‘n stad met sewe miljoen mense, is dieëte groot besigheid vanweë die land se oorgewig-vlakke, kitskosse en lang kantoorure.
- Sapa-dpa