Brittany Murphy se man het haar glo leeggetap
2010-07-29 11:37
Kaapstad – Brittany Murphy se bestuurder beweer haar man, Simon Monjack, het reuse bedrae geld uit haar pensioenfonds en bankrekening getrek.
Dié ontrekkings het gemaak dat Murphy se ma, Sharon (57), nou finansiële onsekerheid in die gesig staar.
Jeffrey Morgenroth het aan People vertel dat Monjack (40) ongeveer 80% van sy vrou se geld opgebruik het voor hy in Mei vanjaar gesterf het.
Die 32-jarige Brittany het in Desember by haar huis in Hollywood ineengestort. Maar volgens ‘n nadoodse ondersoek het sy weens longontsteking gesterf terwyl sy op medikasie was.
Vyf maande later het haar man in hul huis weens 'n hartkwaal gesterf.
- Vir die volledige storie besoek Tonight.
- Volg Nuus24 op Twitter.