'Visser erken nie verantwoordelikheid'

Pretoria – Cézanne Visser kan nie beweer dat sy spyt is oor die seksdade waaraan sy skuldig bevind is nie, aangesien sy nog nie verantwoordelikheid erken het nie, is Dinsdag in die hooggeregshof in Pretoria gehoor.

“Sy het doodeenvoudig gejok. Sy het nie verantwoordelikheid aanvaar nie,” het André Fourie, SC, gesê.

Visser het in ‘n getuienis in die hof gesê dat sy jammer is vir die dade wat sy teen minderjariges en volwassenes gepleeg het, maar dat sy ook die slagoffer van manipulasie deur haar voormalige kêrel Dirk Prinsloo was.

Fourie het gesê dat berou aanleiding gee tot spyt, wat gevolg word deur die gevoelens van skuld en verantwoordelikheid.

Eon Sonnekus, die forensiese kriminoloog wat gevra het vir ‘n versagtende vonnis vir Visser, het gesê dat “dit kan wees”, maar het bygevoeg dat dit ook ‘n verstaan van verkeerd kan wees.

Visser is in Oktober skuldig bevind aan 11 uit 14 seks-verwante klagtes.

- Sapa