Drawwer kritiek ná tref-en-trap
2009-11-14 18:26
Johannesburg - 'n Drawwer is in 'n kritieke toestand in die hospitaal nadat 'n motor hom omgestamp en van die toneel gevlug het.
Dit is nog nie bekend hoe die ongeluk gebeur het nie, maar paramedici vermoed die man het langs die sypaadjie gehardloop toe die bestuurder beheer oor die motor verloor en hom gestamp het.
Jeff Wicks, 'n woordvoerder van Netcare, het gesê die ongeluk het in Taraweg in Bluff naby Durban plaasgevind.
Die drawwer het ernstige borskas-, rug, en ruggraatbeserings opgedoen en is na die King Edward VIII-hospitaal geneem vir verdere behandeling.
Die polisie is op soek na die bestuurder van die motor.
– Sapa