Monaco bly op F1-kalender
2010-07-29 14:29
Boedapest – Formule Een se kontrak met Monaco is Woensdag vir 10 jaar hernu ondanks kommer dat dié land se wedren nie geld vir die sport maak nie.
“Die Europeërs sal meer geld moet betaal anders gaan ons iewers anders,” het die Independent-koerant die baas van Formule Een, Bernie Ecclestone, aangehaal.
“Ons kan klaarkom sonder Monaco. Hulle betaal nie genoeg nie," het Ecclestone bygevoeg.
Formule Een se administratiewe afdeling het in ‘n verklaring gesê die 79-jarige Ecclestone het met Michel Boeri van die Automovile Club de Monaco vergader en tot die hernuwing van die kontrak ingestem.
Volgende jaar se Monaco Grand Prix vind op 29 Mei plaas.
Bly op hoogte van al die jongste sportnuus deur Nuus24Sport op Twitter te volg.
- Sport24