Brande woed in Suid-Kaap, Boland
2010-02-09 03:08
Kaapstad -Veldbrande woed steeds in die Suid-Kaap met 180 brandweermanne wat spook om sewe brande in bedwang te bring.
Gerhard Otto, hoof van Eden-rampbestuur, het Maandag gesê die brande raak al erger.
"Dis warm, dis droog, dis windering en daar is net nie verligting in sig nie," het hy gesê.
Die ergste brand is in Knysna waar brandweermanne werk om huis en sakepersele te red.
In Plettenberg-baai bedreig 'n soortgelyke brand eiendomme in die gebied.
Volgens Annelize Lamprecht, brandweerhoof van Eden, het gesê daar is ook brande in die Haarlem-gebied naby George, in Rheenendal en twee brande in Stilbaai.
In die Boland is die Franschhoek-pas Maandogoggend vir verkeer gesluit weens 'n brand wat sedert Vrydag in dié gebied woed.
CapeNature het 'n verklaring uitgereik waarin hy motoriste waarsku om die pas te vermy.
Volgens CapeNature is dié brand veroorsaak deur werkers wat 'n oop vuur gebruik het om kos te kook.
Dié brand het 4800 hektaar van die Jonkershoek- en Hottentots Holland-natuurreservaat oor die laaste vier dae verwoes.
Fanie Bekker, CapeNature se uitvoerende direkteur van operasionale dienste, het gesê 160 brandweermanne van dié organisasie en die Kaapse Wynlanddistrik-munisipaliteit is ingeroep.
Die brand het toe ook na plase versprei.
Bekker het gesê dik rook hang in die gebied wat dit moeilik maak vir helikopters om op te styg.
– Sapa