Pta-tiener moor oupa ná rusie
2009-11-17 10:41
Johannesburg - 'n 15-jarige seun is in hegtenis geneem nadat hy glo sy oupa doodgesteek en van die toneel gevlug het.
"Hulle was Maandag in 'n vertrek in hul huis in Pretoria toe hulle 'n rusie gehad het. Die seun het toe glo 'n mes in die kombuis gaan haal," het insp. Louis de Beer, 'n polisiewoordvoerder, Dinsdag gesê.
Die tiener het toe van die toneel gevlug en is later 'n paar blokke van die huis af in hegtenis geneem.
Hy verskyn Woensdag op aanklag van moord in die Pretoriase landdroshof.
– Sapa